Wo shakhs to shahar hi chor gaya

wo shakhs to shahar hi chor gaya ab khak uraun kis k liye

jis dhup ki dil ko thandak thi wo dhup usi k sath gai
in jalti bujhti galiyon main ab khak uraun kis k liye

wo shahar main tha to us k liye auron se milna parta tha
ab aise-waise logon k main naz uthaun kis k liye

ab shahar main is ka badal hi nahi koi waisa jan-e-gazal hi nahi
aiwan-e-gazal main lafzon k guldan sajaun kis k liye

muddat se koi aya na gaya sunsan pari hai ghar ki faza
in khali kamron main ?Nasir? ab shamma jalaun kis k liye

Expression has many ways and mine is Poetry
 ~Contact me at punjabiveera@gmail.com