Udaas Logon Se Pyar Karna Koi To Seekhe
Sufaid lamhon main Rang bharna Koi To Seekhe
Koi To Aaey Khizan Main Pattey Ugaane Waala
Gulon Ki Khushboo Ko Qaid Karna Koi To Seekhe
Koi Dikhae Muhabbaton Ke Saraab Mujhko
meri Nigahon Se Baat karna Koi To Seekhe
Koi To Aaey Nai Rutun Ka Pyaam le Kar
Andheri Raaton main Chaand Ban-na Koi To Seekhe
Koi Pyaambar, Koi Imaam-e-zmaan Hi Aaey
Aseer Zehnon Main Soch Bharna Koi To Seekhe
No comments:
Post a Comment