Maskan-e-maah-o-saal chor gaya

Maskan-e-maah-o-saal chor gaya
Dil ko us kaa khayaal chor gaya

Taazah-dam jism-o-jaan the furqat men
Vasl us kaa nidhaal chor gaya

Ahd-e-maazii jo thaa ajab purhaal
Aik viiraan haal chor gaya

Zaala-baarii ke marhalon kaa safar
Qaafile, paayemaal chor gaya

Dil ko ab ye bhii yaad ho ke na ho
Kaun thaa , kyaa malaal chor gaya

Main bhii ab khud se huun javaab-talab
Vo mujhe be-savaal chor gaya