ham to jaise yahaa.N ke the hii nahii.n

ham to jaise yahaa.N ke the hii nahii.n
dhuup the saayabaa.N ke the hii nahii.n

raaste kaaravaa.N ke saath rahe
marhale kaaravaa.N ke the hii nahii.n

ab hamaaraa makaan kis kaa hai
ham to apane makaa.N ke the hii nahii.n

in ko aa.Ndhi me.n hii bikharanaa thaa
baal-o-par yahaa.N ke the hii nahii.n

ho terii Khaak-e-aastaa.N pe salaam
ham tere aastaa.N ke the hii nahii.n